അടുത്ത അദ്ധ്യയന വര്‍ഷത്തേയ്ക്ക് ഒന്‍പത്, പത്ത് ക്‌ളാസുകളിലേയ്ക്ക് കുട്ടികളുടെ പ്രൊമോഷന്‍ ലിസ്‌റ്, ട്രാന്‍സ്ഫര്‍ സര്‍ട്ടിഫിക്കറ്റ്, പ്രോഗ്രസ് കാര്‍ഡ് തുടങ്ങിയവ തയ്യാറാക്കുന്നത് ഐടി@സ്‌കൂളിന്റെ സമ്പൂര്‍ണ റെഡിയായി. ട്രാന്‍സ്ഫര്‍ സര്‍ട്ടിഫിക്കറ്റ്, അഡ്മിഷന്‍ രജിസ്‌ററിന്റെ പകര്‍പ്പ്, കുട്ടികളെ സംബന്ധിക്കുന്ന വിവിധ റിപ്പോര്‍ട്ടുകള്‍, വിവിധ സ്‌കോളര്‍ഷിപ്പുകള്‍ക്കാവശ്യമായ ലിസ്‌റുകള്‍, പ്രോഗ്രസ് റിപ്പോര്‍ട്ട്, പ്രമോഷന്‍ ലിസ്‌റ് തുടങ്ങിയവ തയ്യാറാക്കുന്നത് സമ്പൂര്‍ണയിലൂടെ വളരെയെളുപ്പം സാധ്യമാകും.ഇതിനുപുറമേ എ.ഇ.ഒ, ഡി.ഇ.ഒ, ഡി.ഡി, ഡി.പി.ഐ, സെക്രട്ടറി തലത്തിലുള്ള ഓഫീസുകള്‍ക്ക് ആവശ്യമായ ഭരണപരമായ വിവരങ്ങളും ഓണ്‍ലൈനായി സമ്പൂര്‍ണ വഴി ലഭിക്കും. ഒരു കുട്ടി ഒന്നാം ക്‌ളാസില്‍ ചേരുന്നതുമുതല്‍ തുടര്‍ന്നങ്ങോട്ട് അവരുടെ പഠന പുരോഗതി വിലയിരുത്തുന്നതുമുതല്‍ അഭിരുചി നിര്‍ണയം വരെ സാധ്യമാവുന്ന തരത്തിലുള്ള ഒരു സമഗ്ര പാക്കേജായാണ് സമ്പൂര്‍ണ വിഭാവനം ചെയ്തിട്ടുള്ളത്. ഇതിനായി മുഴുവന്‍ ഹൈസ്‌കൂളുകളിലേയും സീനിയര്‍ അദ്ധ്യാപകന്‍, ക്‌ളാര്‍ക്ക്, സ്‌കൂള്‍ ഐടി കോര്‍ഡിനേറ്റര്‍ എന്നിങ്ങനെ മൂന്ന് പേര്‍ക്ക് വീതം പരിശീലനം നല്‍കിയിരുന്നു.
No comments:
Post a Comment