കാരക്കുന്ന്: പൊതുവിദ്യാഭ്യാസരംഗം മെച്ചപ്പെടുത്തുന്നതിന്റെ ഭാഗമായി കല്പകഞ്ചേരി, പേരശ്ശനൂര്‍ ഹയര്‍സെക്കന്‍ഡറി സ്‌കൂളുകള്‍ മാതൃകാ സ്‌കൂളുകളായി സര്‍ക്കാര്‍ അംഗീകരിച്ചു. ഇതിന്റെ പ്രഖ്യാപനം 16ന് 11മണിക്ക് പേരശ്ശനൂര്‍ ജി.എച്ച്.എസ്.എസ്സിലും രണ്ടുമണിക്ക് കല്പകഞ്ചേരി ജി.എച്ച്.എസ്.എസ്സിലും നടക്കും.
സംസ്ഥാനത്ത് 144 സ്‌കൂളുകളാണ് മാതൃകാ സ്‌കൂളുകളായി സര്‍ക്കാര്‍ അനുമതിയായിട്ടുള്ളത് ഇതില്‍ 16 എണ്ണം ജില്ലയിലാണ്. മാതൃകാ സ്‌കൂളുകളായി മാറുന്നതോടെ പേരശ്ശനൂര്‍, കല്പകഞ്ചേരി ഗവ. ഹയര്‍സെക്കന്‍ഡറി സ്‌കൂളുകളില്‍ അഞ്ച് ക്ലാസുകള്‍ മള്‍ട്ടിമീഡിയ ക്ലാസ്മുറികളായി മാറും. പൊതുവിദ്യാലയങ്ങളില്‍ പഠിക്കുന്ന വിദ്യാര്‍ഥികളെ വിവരസാങ്കേതിക മേഖലയില്‍ പ്രാപ്തരാക്കുകയെന്ന ലക്ഷ്യത്തോടെയാണ് സര്‍ക്കാര്‍ മാതൃകാസ്‌കൂളുകളെ മള്‍ട്ടിമീഡിയാ കേന്ദ്രങ്ങളാക്കി മാറ്റുന്നത്.
No comments:
Post a Comment