'മുന്നൊരുക്കം' തയ്യാറായി

മലപ്പുറം ജില്ലയിലെ വിജയഭേരി സ്‌പെഷല്‍ ക്യാമ്പുകളില്‍ അധ്യാപകര്‍ക്കുള്ള കൈപ്പുസ്തകം 'മുന്നൊരുക്കം' തയ്യാറായി. പത്താംതരത്തില്‍ പഠിപ്പിക്കുന്ന ഏഴായിരത്തോളം അധ്യാപകര്‍ക്ക് വിവിധ വിഷയങ്ങളിലുള്ള കൈപ്പുസ്തകങ്ങളാണ് തയ്യാറാക്കിയിരിക്കുന്നത്. കൈപ്പുസ്തകങ്ങളുടെ പ്രകാശനം ചൊവ്വാഴ്ച രാവിലെ പത്തിന് ജില്ലാപഞ്ചായത്ത് ഹാളില്‍ ജില്ലാപഞ്ചായത്ത് പ്രസിഡന്റ് സുഹ്‌റ മമ്പാട് നിര്‍വഹിക്കും. തിരൂര്‍ വിദ്യാഭ്യാസജില്ലയിലെ ഹൈസ്‌കൂളുകള്‍ക്ക് ബുധനാഴ്ച തിരൂര്‍ ഗവണ്‍മെന്റ് ഗേള്‍സ് ഹൈസ്‌കൂളിലും വണ്ടൂര്‍ വിദ്യാഭ്യാസജില്ലയിലെ ഹൈസ്‌കൂളുകള്‍ക്ക് വ്യാഴാഴ്ച രാവിലെ പത്തിന് വണ്ടൂര്‍ ഗവണ്‍മെന്റ് ഗേള്‍സ് ഹൈസ്‌കൂളിലും വിതരണംചെയ്യും. സ്‌കൂള്‍ റിസോഴ്‌സ് ഗ്രൂപ്പ് കണ്‍വീനര്‍മാര്‍ക്കുള്ള പരിശീലനവും ഇതോടനുബന്ധിച്ച് നടക്കും.