വന്യജീവി വാരാഘോഷം; പ്രതിജ്ഞയെടുക്കണം: ജില്ലാകളക്ടര്‍

വന്യജീവി വാരാഘോഷത്തോടനുബന്ധിച്ച് സര്‍ക്കാര്‍ ഉദ്യോഗസ്ഥരും സ്‌കൂള്‍വിദ്യാര്‍ഥികളും പ്രതിജ്ഞയെടുക്കണമെന്ന് ജില്ലാകളക്ടര്‍ എം.സി. മോഹന്‍ദാസ് അറിയിച്ചു. തിങ്കളാഴ്ച 
സ്‌കൂളിലോ ഓഫീസുകളിലോ അസംബ്ലി കൂടിയോ യോഗംകൂടിയോ പ്രതിജ്ഞയെടുക്കണം.
''കാടുകളും പുഴകളും വന്യജീവികളുമെല്ലാം നാടിന്റെ സ്വത്താണ്, നിലനില്പാണ്, അഭിമാനമാണ്. 
വരുംതലമുറകളുടെ അവകാശമാണിവ. ഇവയെ നശിപ്പിക്കാന്‍ ഒരു ശക്തിയെയും ഞങ്ങള്‍ 
അനുവദിക്കുകയില്ല. ഭാവി കാലത്തിനായി കാടും ജലസമൃദ്ധിയും പച്ചപ്പും സംരക്ഷിക്കുമെന്ന് ഈ 
മണ്ണില്‍തൊട്ട് ഞങ്ങള്‍ പ്രതിജ്ഞചെയ്യുന്നു. കാടിന് കാവല്‍ നാം തന്നെ. കാടിന് കാവല്‍ 
നാം തന്നെ. കാടിന് കാവല്‍ നാം തന്നെ''- എന്നതാണ് പ്രതിജ്ഞ.