One day Verification: After effect

തിരുവനന്തപുരം: സംസ്ഥാനത്തെ സര്‍ക്കാര്‍ സ്‌കൂളുകളില്‍ ഈ അധ്യയന വര്‍ഷം 1,96,000 കുട്ടികള്‍ കുറഞ്ഞു. വിദ്യാഭ്യാസ വകുപ്പ് നടത്തുന്ന സ്‌കൂളുകളിലെ കണക്കെടുപ്പ് പൂര്‍ത്തിയായപ്പോഴാണ് ഇത്രയും കുട്ടികള്‍ കൊഴിഞ്ഞുപോയതായി കണ്ടെത്തിയിരിക്കുന്നത്. ഇതുമൂലം രണ്ടായിരത്തോളം അധ്യാപക തസ്തികകളുടെ നഷ്ടമുണ്ടാകുമെന്നാണ് വിലയിരുത്തല്‍. ഏറ്റവും കുറഞ്ഞത് ആറുനൂറോളം പേരെങ്കിലും പിരിഞ്ഞുപോകേണ്ടിവരുമെന്ന ആശങ്കയും ഉയര്‍ന്നിട്ടിട്ടുണ്ട്. നേരത്തെ ആറാം പ്രവര്‍ത്തി ദിനത്തില്‍ നടന്ന കണക്കെടുപ്പില്‍ 1,22,000 കുട്ടികളുടെ കുറവ് കണ്ടെത്തിയിരുന്നു.