Monitoring of vacation training programme

ജില്ലയിലെ വിവിധ കേന്ദ്രങ്ങളില്‍ നടക്കുന്ന അധ്യാപക പരിശീലനം മോണിറ്റര്‍ ചെയ്യുന്നതിന് വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്‌സന്റെ നേതൃത്വത്തില്‍ ജില്ലാതല മോണിറ്ററിങ് സമിതി രൂപവത്കരിച്ചതായി ജില്ലാപഞ്ചായത്ത് സ്റ്റാന്റിങ്ങ് കമ്മിറ്റി ചെയര്‍പേഴ്‌സണ്‍ കെ.പി. ജല്‍സീമിയ അറിയിച്ചു. സമിതിയില്‍ അധ്യാപക സംഘടനാ നേതാക്കള്‍, വിദ്യാഭ്യാസ ഡെപ്യുട്ടി ഡയറക്ടര്‍, ഡയറ്റ് പ്രിന്‍സിപ്പല്‍, എസ്.എസ്.എ. പ്രോജക്ട് ഓഫീസര്‍, ഡി.ഇ.ഒ. എന്നിവര്‍ അംഗങ്ങളാണ്. ചെയര്‍പേഴ്‌സന്റെ നേതൃത്വത്തിലുള്ള സമിതി 10 മുതല്‍ 27 വരെ നടക്കുന്ന ഹൈസ്‌കൂള്‍, യു.പി സ്‌കൂള്‍ തല പരിശീലനങ്ങള്‍ മോണിറ്റര്‍ചെയ്യും. ഇതിനോടനുബന്ധിച്ചു രൂപവത്കരിച്ച ബ്ലോക്ക്തല മോണിറ്ററിങ് സമിതികള്‍ ബ്ലോക്ക് തലത്തിലുള്ള പരിശീലനം മോണിറ്റര്‍ ചെയ്യും. ഈ വര്‍ഷത്തെ ജില്ലാ തല സ്‌കൂള്‍ പ്രവേശനോല്‍സവം കിഴിശ്ശേരി ജി.എല്‍.പി.എസ്സില്‍ നടത്തുമെന്നും ചെയര്‍പേഴ്‌സണ്‍ അറിയിച്ചു.