മായംചേര്‍ത്ത കള്ള് കുടിച്ച് മരിച്ചവരുടെ ആശ്രിതര്‍ക്ക് ഒരുലക്ഷം

മലപ്പുറം: മലപ്പുറത്തെ വിവിധ ഷാപ്പുകളില്‍നിന്ന് മായംചേര്‍ത്ത കള്ള് കുടിച്ച് 24 പേര്‍ മരിച്ചു. ഒന്‍പതു പേര്‍ ഗുരുതരാവസ്ഥയില്‍ ചികിത്സയിലാണ്. മായംചേര്‍ത്ത കള്ള് കുടിച്ച് മരിച്ചവരുടെ ആശ്രിതര്‍ക്ക് മുഖ്യമന്ത്രി ഒരുലക്ഷം രൂപ ധനസഹായം പ്രഖ്യാപിച്ചു. സംഭവത്തെത്തുടര്‍ന്ന് ഷാപ്പ് നടത്തിപ്പുകാരനായ പട്ടാമ്പി നടുവട്ടം കാരങ്ങേതില്‍ ദ്രവ്യന്‍, ലൈസന്‍സികളായ ബാലകൃഷ്ണന്‍ ഉണ്ണികൃഷ്ണന്‍ എന്നിവരെ പോലീസ് അറസ്റ്റുചെയ്തു. ഷാപ്പില്‍ നിന്ന് 160 ലിറ്റര്‍ കള്ള് പോലീസ് പിടിച്ചെടുത്തു. മലപ്പുറത്തെ വ്യാജമദ്യദുരന്തത്തെക്കുറിച്ച് ജുഡീഷ്യല്‍ അന്വേഷണം നടത്തുമെന്ന് മുഖ്യമന്ത്രി വി.എസ്. അച്യുതാനന്ദന്‍ പറഞ്ഞു.