പൂക്കളത്തൂര്‍ സി.എച്ച്.എം.എച്ച്.എസ്.എസ് ആണ് യഥാര്‍ഥ ജേതാക്കള്‍

        മലപ്പുറം റവന്യു ജില്ലാ ശാസ്ത്രമേളയില്‍ ഫലപ്രഖ്യാപനത്തില്‍ പിഴവും ക്രമക്കേടുമെന്ന് വ്യാപകമായി ആക്ഷേപം. വ്യാഴാഴ്ച വൈകീട്ടോടെ വാളക്കുളം കെ.എച്ച്.എം. ഹയര്‍സെക്കന്‍ഡറി സ്‌കൂളില്‍ ശാസ്ത്രമേള സമാപിച്ചെങ്കിലും ഔദ്യോഗിക വെബ്‌സൈറ്റില്‍ രാത്രി വൈകിയാണ് ഫലം ലഭ്യമാക്കിയത്. ഇതുപ്രകാരം ഹൈസ്‌കൂള്‍ വിഭാഗത്തില്‍ കൊട്ടൂക്കര പി.പി.എം. ഹയര്‍സെക്കന്‍ഡറിക്കായിരുന്നു ഒന്നാംസ്ഥാനം.എന്നാല്‍ മൂന്നാം തീയതി ചേളാരി ഗവ. ഹയര്‍സെക്കന്‍ഡറി സ്‌കൂളില്‍ നടന്ന ശാസ്ത്രനാടകത്തിന്റെ ഫലം അവസാന ഫലപ്രഖ്യാപനത്തില്‍ ഉള്‍പ്പെടുത്തിയിരുന്നില്ല. ഇതില്‍ എ ഗ്രേഡ് നേടിയ പൂക്കളത്തൂര്‍ സി.എച്ച്.എം.എച്ച്.എസ്.എസ് ആണ് യഥാര്‍ഥ ജേതാക്കള്‍ .ഒരാഴ്ച മുമ്പ് നടന്ന ശാസ്ത്രനാടകത്തിന്റെ ഫലം യഥാസമയം സൈറ്റില്‍ കൊടുക്കാതിരുന്നതാണ് പിഴവായതെന്ന് അധ്യാപകര്‍ ചൂണ്ടിക്കാട്ടി.