ലോകത്തിലെ ഏറ്റവും വില കുറഞ്ഞ ടാബ് ലറ്റ് കംപ്യൂട്ടര് പുറത്തിറക്കി. കേന്ദ്ര സര്ക്കാര് സബ്സിഡിയോടെ വിദ്യാര്ഥികള്ക്കു ലഭിക്കുന്ന ടാബ് ലറ്റിന് 1750 രൂപയാണു വില. പൊതുവിപണിയില് 2999 രൂപയും. വിവരസാങ്കേതിക വിദ്യയുടെ പ്രയോജനം വിദ്യാര്ഥികളിലെത്തിക്കുകയെന്ന ലക്ഷ്യത്തോടെ കേന്ദ്ര മാനവവിഭവ ശേഷി മന്ത്രാലയമാണു ടാബ് ലറ്റ് വിപണിയിലെത്തിച്ചത്. ആകാശ് എന്നാണു ടാബ് ലറ്റിന്റെ പേര്. പാഠഭാഗങ്ങള് വിദ്യാര്ഥികള്ക്കു വളരെ വേഗത്തില് ഡൗണ്ലോഡ് ചെയ്യാന് സാധിക്കും. 1.20 കോടി വിദ്യാര്ഥികള്ക്കു കംപ്യൂട്ടര് ആവശ്യമാണ്. അതിനാല് ടാബ് ലറ്റിന്റെ വില ഇനിയും കുറയ്ക്കാന് സാധിക്കുമെന്നു മന്ത്രാലയത്തിന്റെ വിലയിരുത്തല്. വിവിധ സംസ്ഥാനങ്ങളില് നിന്നുള്ള തെരഞ്ഞെടുക്കപ്പെട്ട വിദ്യാര്ഥികള്ക്കു കേന്ദ്രമന്ത്രി കപില് സിബല് ടാബ് ലറ്റ് വിതരണം ചെയ്തു.
